مرحلة تحضير الأوراق المطلوبة لمقابلة الهجرة

مرحلة تحضير الأوراق المطلوبة لمقابلة الهجرة

بعد ارسال استمارة ال DS-260 و عند استلامك الخطاب الثانى من الفوز للقرعة العشوائية الى امريكا وذلك من خلال الكشف عنه بواسطة الكيس نمبر الخاصة بك من خلال موقع القرعة العشوائية للهجرة الى الولايات المتحدة الامريكية سوف تجد تاريخ المقابلة المحدد لك بالساعة والتاريخ وعليك ان تكون قبل الموعد المحدد بنصف ساعة على الاقل وعليك طباعة هذا الخطاب وضمه لبقية المستندات و دلوقتي تقدر تبدأ في تجهيز اوراقك بس خلي بالك ان في اوراق بتكون صالحة لمدة معينة فـــــ لازم تعملها قبل المقابلة بفترة قصيرة ذي (الفيش الجنائي و الكشف الطبي) كمان يا ريت لو عندك باسبور قديم تجدده بالمرة قبل ما تعمل استمارة الـ DS-260 علشان يبقي عندك عدد سنيين اكتر و متضطرش تجدده تاني في وقت قريب.

• ملاحظة نوصى دائما ان تستخرج اكثر من مستند ليس فقط لمقابلة السفارة ولكن قد تحتاجه عند الانتقال الى امريكا وانصح ان يتم توثيق تلك المستندات مثل شهادة التخرج العادية وشهادة التخرج بعدد الساعات ايضا شهادة الميلاد لكل فرد فى العائلة.

م	الأوراق المطلوبة	الفائز(الزوج)	الزوجه	الأولاد	تصديق	توثيق	ترجمه
1	شهادة الميلاد
2	قسيمة الزواج / الطلاق			×
3	شهادة الثانوية			×
4	شهادة الكلية			×
5	موقف التجنيد		×	×	×	×
6	التطعيمات	×	×
7	الكشف الطبي				لا يـــــوجــد
8	الفيش الجنائى			×
9	الجواب الثانى				لا يـــــوجــد
10	ورقة أرامكس				لا يـــــوجــد
11	4 صــور  5×5				لا يـــــوجــد
12	جواز السفر				لا يـــــوجــد
13	شهادة التحركات	/ ×	/ ×	/ ×
14	رخصة القيادة			×	لا يـــــوجــد

1- شهادة الميلاد

• قدامك طريقتين انك تطلعها بالعربي من اي سجل مدني قريب منك و تبقي تترجمها من اي مكتب ترجمة معتمد بعدين و خلي بالك لازم تستخرج واحده جديده لان لو اللي معاك واحده معدى عليها 3 شهور مش هيتصدق عليها , المهم هتطلع واحده من السجل وتختمها بختم السجل وختم الظابط وبعدين قولهم انا عايز اصدق عليها عشان هوثقها من الخارجيه هيقولولك اطلع مكتب التصديقات هيصدقولك عليها وهيحطولك كل الاكلشيهات وهتتمضي كمان من العقيد الي ماسك السجل.
• او انك تطلعها مترجمة علي طول من مبني قطاع مصلحة الاحوال المدنية اللي في العباسية، او من وزارة الصحة و السكان اللي في لاظوغلي و ده هتحتاج و انت رايح شهادة ميلاد عربي + صورة من الباسبور + صورة من باسبور الام و تقولهم انك عاوز توثقها من الخارجية  هيبعتوك عند ظابط في مبني تاني يمضيها و يختمها علشان لو محتاج توثقها  الشهادة المترجمة هتكلف 100ج

2- قسيــمة الـــزواج

• هتروح تطلع قسيمة زواج كمبيوتر من السجل المدنى الي انت تابع ليه وتختمها بختم السجل وختم الظابط
• وبعدين قولهم انا عايز اصدق عليها عشان هوثقها من الخارجيه هيقولولك اطلع مكتب التصديقات هيصدقولك عليها وهيحطولك كل الاكلشيهات وهتتمضي كمان من العقيد الي ماسك السجل
• ممكن تطلع من مصلحة الاحوال المدنية اللي في العباسية
• تذهب اولا بأصل قسيمة الزواج الي محكمة الاسرة التابعه لها القسيمة لعمل تصديق عليها ثم الي محكمة الزنانيري او محكمة الاسرة بشبرا مصر مكتب المحامي العام لعمل تصديق اخر ثم الي وزارة العدل لاظوغلي لعمل الترجمة و تستلمها بعد اسبوع ( العنوان شارع لاظوغلى , وسط البلد , القاهرة, مصر)

3- شهاد الثانوية (بيان نجاح / كشف درجات)

• لازم تكون عارف الحاجات دي علشان تطلع الشهادة
• سنة التخرج
• اسم المدرسة اللي كنت فيها
• يفضل ان تكون معاك الاصل او صوره من الشهاده اللي بتستلمها بعد التخرج ان امكن
• سبب استخراجها
• بعد كده هتشوف ايه الادارة التعليميه الي انت تابع ليها بعدين هتروح لأي مكتب بريد وتقولهم انا عايز اعمل حواله بريدية للادرارة التعليمة اللي انت تابع ليها وهتجيب 2 طابع مهن تعليميه من البريد برضه هيدولك وصلين والطابعين تكلفتهم الاتنين 23 جنيه , وبعدين تاخدهم وتروح على الادارة التعليمه وتديهم وصل وطابع هيعملولك وصل تاني هتاخده وهتطلع على مكان تاني اسمه شئون الطلبه هتديهم الوصل الي اخدته من الادارة التعليمه وهتديلهم وصل الحواله التاني وطابع البريد وتقولهم انا عايز بيان نجاح ثانويه عامه هيعملهولك وانت واقف
• او بطريقة تانية انك تعمل حوالة بريدية مستعجلة للسيد مدير عام الامتحانات في الادارة العامة للأمتحانات بقيمة 15ج ، و تشتري 2 طابع مهن تعليمية و طابع صندوق دعم و تركب المترو و تنزل سعد زغلول و تسأل عن عمارات العرايس و العنوان هو ( 16 ش أمين سامي، بجوار عمارة العرايس و معهد التعاون و امام مجلة روز اليوسف متفرع من ش القصر العيني ) و تقولهم عاوز اطلع بيان نجاح و للثانوية العامة بالانجليزي و بيان درجات باللغة الانجليزية برضو بس هتستلمها بعدها بكام يوم علشان انجليزي.
• اسم الإدارة اللي هتستخرج منها الشهادة (الإدارة العامة للأمتحانات) و ده رقمهم 27920832

و مواعيد العمل من 9 – 11 صباحاً

• بعدين تاخده وتروح بيه مكان تانى اسمه مديرية التربيه والتعليم بتاع المحافظه بتاعتك وتقولهم انا معايا بيان نجاح عايز اصدق عليه واعتمده عشان هوديه الخارجيه يتوثق

• بيان نجاح

• بيان درجات

4- شهادة الكلية (بيان نجاح / كشف درجات)

• في حالة كنت متخرج ومعاك الشهاده هتروح الكلية وتطلع بيان درجات يفضل انك تطلع شهاده بساعات الدراسة و شهادة عامة بالتقديرات ويكون معاك صورة شخصية وصورة البطاقة و 40 جنيه وهتطلعها وانت واقف ويكون معاك شهادة التخرج.
• لو كنت طالب لسه هتروح شئون الطلبه عندك فى الكليه تقولهم انا عايز اثبات قيد و مبين فيه موقفي التجنيدي ورقمي العسكري

وبعدين هتاخدهم وهتروح على ادارة الجامعه قسم شئون الطلاب والخريجين وتقولهم عاوز اعتمده واصدق عليهم عشان هوديهم الخارجيه هيختملوك عليه كام ختم ويصدق عليه امين عام الجامعه و بيتم ترجمتها من من قبل الجامعة ويجب ان تكون موقعه من وكيل الكلية والختم المختص لكى توثق من الخارجية ويفضل ان تستخرج اكثر من شهادة ويفضل شهادة بعدد الساعات وشهادة عامة بالتقدير سوف نحتاجها بالمستقبل.

• بيان نجاح

• بيان درجات

5- موقف التجنيد

• بالنسبه لطلبه الجامعات اثبات القيد يكفي لانه مبين فيه الموقف التجنيدي بس فى حاله اثبات القيد دى لازم يتوثق و يترجم
• سواء اعفاء او تأجيل او تحت الطلب لا يوثق يعني في حالة الإعفاء أو التأجيل أو تحت الطلب لا يصدق ولا يوثق ولكن يترجم
• هتحتاج ترجمة الموقف من التجنيد و دا يا اما تترجمتها من مكتب ترجمة او ترجمه شهاده الجيش من معهد القوات المسلحه كوبري القبه تنزل محطه كوبري القبه تخرج من الاتجاه اللي بيطلعك ناحيه المستشفي العسكري … هتعدي الطريق و تمشي حوالي ٥ دقايق هتلاتقي المعهد علي اليمين و الموظفه هتعمل ” scan ” للشهاده و ترجعهالك

و بتستلم الشهاده بعد ١٥ يوم و لو مزنوق في الوقت بتقول لها و ممكن تسلمهالك بعد اسبوع

• تصريح السفر ( قبل السفر مباشرة علشان بيبقي بمدة )

اي شخص حاصل على اعفاء مؤقت أو طالب أو تأجيل و في سن التجنيد ومكتوب في الشهاده اللي معاه انه غير مصرح له بالسفر الا بإذن  ممكن ياخد اذن من منطقه التجنيد التابع ليها بمنتهى السهوله وبياخدها في نفس اليوم كمان

و ده بيطلع من إدارة التجنيد والتعبئة أو مناطق التجنيد اللي انت تابع لها.

• لو انت من الحالات دي :

• المستثنون مؤقتاً من أداء الخدمة العسكرية .
• الحاصلون على إعفاء مؤقت .
• الموضوعين تحت الطلب لمدة ثلاث سنوات .
• الذين أدوا الخدمة العسكرية ولم تنته مدة خدمتهم بالاحتياط .
• الطلبة المؤجل تجنيدهم للدراسة بالداخل خلال أجازة نصف العام ونهاية العام عدا طلبة السنوات النهائية .

• يبقي لازم تستخرج تصريح سفر علشان تعرف تسافر بره مصر لانه بيتطلب منك في المطار

و ده هيبقي كالتالي :

1-  الباسبور و عدد 2 صورة منه

2- صورة من التأشيرة

3- ا صل و صورة من البطاقة

4- صورة واحده من شهاده الموقف التجنيدي سواء اعفاء مؤقت أو تأجيل و يفضل لو معاك أصل لشهاده موقفك التجنيدي احتياطي فقط لا غير

5- بون اسمه بون اذونات سفر للخارج بتجيبه من داخل منطقه التجنيد بجوار مكتب الحصول على إذن بالسفر للخارج

اما بالنسبه للطلبه  :

الاوراق المطلوبه للحصول على إذن السفر بالخارج في اجازة نصف العام أو اجازة أخر العام الدراسي :

1- عدد 2 صورة من الباسبور

2- صورة واحده من التأشيره

3- صورة واحده من البطاقه

4- شهادة قيد من المدرسة أو الكلية أوالمعهد مبين بها رقم وتاريخ قرار التأجيل والرقم الثلاثى للبطاقه العسكريه (6جند) والسنه الدراسيه ومدة الأجازة ويتم منحهم إذن سفر خلال مدة الأجازة ( نصف العام / آخر العام ) ولايمنح لمن هم بالسنه النهائيه فى أجازة نهاية العام .

5- بون اسمه بون اذونات سفر للخارج بتجيبه من داخل منطقه التجنيد بجوار مكتب الحصول على إذن بالسفر للخارج

• بمنتهى البساطه بتروح الاول بتسأل داخل منطقه التجنيد على الشباك بتاع اذن السفر للخارج حتلاقيه وحتلاقي جنبه الشباك بتاع الخزنه اللي حتجيب منه بون اذونات السفر للخارج

روح الأول لشباك الخزنه واشتري منه بون اذونات السفر للخارج و بعد ما حيكون معاك البون والصور من الورق المطلوب روح لشباك اذن السفر للخارج واديه للموظف.

• لو مكتوب فى باسبورك “فى سن التجنيد” يبقي لازم تعمل تصريح سفر من الجيش قبل السفر،
• لو مكتوب فى الباسبور “في سن التجنيد” وانت معاك شهادة بالإعفاء النهائي بس لسه مغيرتش الباسبور واثبت فيه انك غير مطلوب، يبقي تصور الشهادة دي وتاخدها معاك فى المطار ومش مطلوب منك تصريح سفر نهائياً.
• لو مكتوب فى الباسبور “في سن التجنيد” وانت دخلت الجيش، هتفضل لغاية متكمل 30 سنة لازم تعمل تصريح سفر فى كل مرة تسافر فيها، علشان تعمل تصريح السفر هتاخد كل الأوراق اللى فاتت + شاهدة تأدية الخدمة العسكرية ، ربنا يعينك
• لو مكتوب فى باسبورك “غير مطلوب” يبقي مش محتاج تصريح سفر من التجنيد نهائياً، وتقدر تسافر بالباسبور فقط.
• ملحوظة: الشخص الذي أدى الخدمه العسكريه يحتاج تصريح بالسفر للخارج لكن الشخص الذي لديه تأجيل أو اعفاء مؤقت سيحتاج الى إذن للسفر للخارج
• ملحوظة :مكاتب تصاريح السفر بإدارة التجنيد والتعبئة ومناطق التجنيد تعمل على مدار (24) ساعة .

6- التطعيمات

• تذهب لمكتب الصحة التابع للحى والذى تم فيه تطعيم الطفل و تطلب تسجيل جميع التطعمات كما هو مسجل بدفتر التطعيمات بالتاريخ و امام كل تطعيم مدون ختم النسر التابع لمكتب الصحة ( لدواعى السفر )
• ملحوظه: تقدر تستعمل الشهادة فى الكشف الطبي والتقديم للمدارس في أمريكا إن شاء الله
• ثم تذهب لوزارة الصحة أو (مديرية الصحة ) و تطلب ختم النسر التابع لوزارة الصحة اسفل الشهادة من الظهر كل هذا مجانا

7- الكشف الطبي (المظروف المغلق)

الكشف الطبى بيبقى بعد وصول الجواب الثانى اللى بيكون فيه ميعاد المقابله

ويفضل انك تعمله قبل المقابله باسبوعين علشان مده التأشيره 6 شهور تحسب من بدايه الكشف الطبى … يعنى كل ما يبقى قريب من المقابله افضل و أن یجریه طبیب معتمد من طرف قنصلیة الولایات المتحدة الأمریكیة

المشتشفيات

مستشفى الشروق ودى بدون حجز سابق

مستشفى الانجلو ودى لازم حجز ميعاد الاول

وفى اراء على ان الشروق افضل

من أسبوع ل ١٠ ايام النتيجه

اسهل في الكشف

من غير معاد مسبق خالص

اي يوم من الساعه ١٠ الصبح تروح تكشف

الميزة الوحيدة اللي كانت في الأنجلو إنها بتطلع النتايج بعد يومين تلاتة معدتش موجودة خلاص

• الوثائق المطلوبة لإجراء الفحص الطبي للفائزین في القرعة

• اصل الباسبور وصوره من صفحة المعلومات بجواز السفر
• صورتين اى مقاس خلفيه بيضاء (مستسفى الشروق)
• 5 صور 6*4 لو مستشفى الانجلو
• صوره من الجواب الثانى بتاع المقابله
• العنوان اللى هتنزل عليه فى امريكا
• عنوانك فى مصر
• سجل التطعيمات ودا للاطفال فقط

• الأماكن المعتمدة من السفارة لإجراء الكشف الطبي:
  على جميع المتقدمين للهجرة اجتياز الفحص الطبي قبل استلام التأشيرة. فعلى كل متقدم تعدّى سن 15 عاماً يقوم باختبار تحاليل الدم اللازمة لأمراض الإيدز وأيضاً تحاليل الدم الخاصة بالأمراض التناسلية بجانب أشعة الصدر. و هذه هي قائمة الامراض التي تشكل الرفض من السفارة الامريكية

Tuberculosis, Syphilis, Gonorrhea, Hansen’s Disease (Leprosy)

في بعض الحالات الخاصة قد يتطلب الأمر القيام ببعض الاختبارات الأخرى. يجب أن تبدأ الاختبارات الخاصة بالكشف الطبي بأسبوع على الأقل قبل تاريخ المقابلة حيث أن نتيجة الفحص تحتاج لبعض الوقت.

المراكز المعتمدة وأسماء الأطباء والمواعيد:

• مستشفى الأنجلو أمريكن – د. ماجدة رمزي حبيب
  المواعيد: من السبت إلى الخميس (12 ظهراً إلى 3 عصراً)

العنوان: 3 ش حديقة الزهرية, الزمالك, القاهرة

معالم الطريق: بجوار برج القاهرة وجوار النادي الاهلي

تليفون: 73566082 – 0124463734

27356162 , 27356165 , 27356163

مواعيد العمل : من السبت للخميس

من 10 ص الي 2 م

• مستشفى الشروق

د. هشام البرلسي – د. إيمان رشدي

المواعيد: من السبت إلى الخميس (5 مساءً إلى 9 مساءً)

العنوان: 5 ش بحر الغزال متفرع من ش أحمد عرابي – الصحفيين  – المهندسين

التليفون : 33044901-02 الفاكس : 03-33458690

الموقع الإلكتروني : http://www.alshoroukhospital.com

مواعيد العمل : من السبت للخميس

من 10 ص الي 4 م

*د. عمرو ماهر

المواعيد: من السبت إلى الأربعاء (6 مساءً إلى 8 مساءً)

العنوان: 97 ش عبد السلام عارف – جليم – الإسكندرية

تليفون: 5822323

مواعيد العمل : من السبت للأربعاء

من 6 م الي 8 م

• وصف العملیة و نصائح
• أنصح أن عند حصولك على الرسالة الثانیة و علمك بوقت المقابلة أن تتصل بإحدى العیادتین لتحجز موعد الفحص في حدود 15 یوم على الأقل قبل المقابلة.
• إن كنت تدخن قلل من التدخین و إحرص على إراحة أعصابك لتتجنب التوثر و إعلم إن كتب الله لك شیئا سیكون إنشاء الله.
• یوم الفحص إفحص أولا وجود وثائقك أولا  كما ذكرتها فوق و لا تنسى تناول الفطور بشكل عادي بعد ذلك إتجه للعیادة و إقصد الممرضة و عرف بنفسك ستطلب الوثائق لإجراء عملیة إداریة وكما العادة
• ستقول لك إنتظر الطبیب :
• سیقومون بسحب قطرة دم أو عینة لتحلیلها
• هناك فحص للصدر عبر جهاز الرادیو إما لدى الطبیب أو سیرسلونك للمختبر و النتائج تكون بعد 30 دقیقة أو ساعة.
• سیأخذون قیاس الطول و الوزن و بعض المرات ضغط الدم أو قیاس البصر.
• ستسأل بعض أسئلة تدخل في إطار المخدرات الكحولیات لكن تبقى أسئلة الطبیب و تدخل في عرف الطبیب لا تخف.
• سیقومون بحقن لقاحات تكون غالبا 3 لقاحات بمعاییر أمریكیة.

تعلیمات التطعیم:

ينص قانون الهجره بالولايات المتحده على كل متقدم لتأشیرة الهجره الحصول على تطعیمات معینه موضحه بالأسفل قبل اصدار تأشیرة الهجره. التطعیمات والأجراءات تكون تحت اشراف لجنة الأطباء الذين يقومون بأجراء الفحص الطبى الخاص بتأشیرة الهجره وذلك للتأكد ان تعلیمات التطعیمات مستوفاه لدى جمیع المتقدمین أو ان المتقدم غیر لائق طبیا للحصول على احدى أو بعض التطعیمات المذكورة أدناة:

النكاف، الحصبه، الحصبه الألمانیه، شلل الأطفال، التیتانوس، الدفتیريا، السعال الديكى، الأنفلونزا نوع (ب)، التهاب الكبد الوبائى فیروس (أ)، التهاب الكبد الوبائى فیروس (ب)، الجديرى المائى، الالتهاب الرئوى، الأنفلونزا، فیروس الروتا، المكورة السحائیة.

لمساعدة لجنة الأطباء لتجنب حدوث أى تأخیر فى اجراءات تأشیرة الهجره، على كل المتقدمین أحضار سجلات التطعیم الى لجنة الأطباء في موعد الكشف الطبى.

• بالنسبة للأطفال المرجو جلب الدفتر الصحي الخاص بهم

• في الأخیر سیعطونك ظرف إیاك ثم إیاك أن تفتحه إنه خاص بالقنصلیة
  على المهاجر أن يقدم الأشياء الآتية لكي يرفقها الطبيب مع التقرير الطبي :
  * جواز السفر وصورة منه                            * 2 صورة شخصية مقاس 5×5
  * أي تحاليل أو أشعة تمت في تواريخ سابقة * إثبات لأي تطعيمات تمت له في تواريخ سابقةملحوظة: بعد الانتهاء من كل هذه الإجراءات يقوم الطبيب الذي أجرى الكشف بوضع جميع التقارير النهائية للفحوص الطبية داخل مظروف مغلق بإحكام ويتم إعطائه للمهاجر الذي يقدمه للقسم القنصلي. وعلى مقدم الطلب تقديم إثباتات الشخصية قبل إجراء الفحص أو الاختبارات ورقم جواز السفر يجب أن يكتب في التقارير النهائية

• يترجم من خلال المستشفى المعتمدة من قبل السفارة ولا يحتاج الي التصديق او التوثيق

“تجربة احد الاخوة الكرام في مستشفي الشروق”

بتتصل قبليها تاخد معاد و بتروح بتركب المترو و بتنزل محطة جمال عبدالناصر بتطلع برة المحطة بتركب عربيات العجوزة سفنكس بتنزل جانب مستشفى الشروق

بتدخل المستشفى و انت داخل بيسالوك تبع اية بتقلهم كشف طبى للسفارة الامريكية بيقلوك 2 باب يمين بتدخل هناك بتطلع تانى دور عند الدكتور هشام البرلسى بس بتكشف عليك دكتور اسمها ايمان قبل ما بتكشف بياخدو منك صورة الباسبور 2 صورة شخصية و بتروح للخزنة تقطع تذكرة كشف و تذكرة اشعة صدر

تكلفة الكشف 140 جنية

و تكلفة الاشعة على الصدر 85 جنية

بعد كدا بتاخد 4 تذاكر

تذكرتين لونهم ابيض و تذكرتين لونهم بنى يعنى اصل و صورة كدا فى نسخة الدكتور بتاع الاشعة بياخدها منك و نسخة بتفضل معاك و نسخة الدكتورة بتاخدها منك اللى بتكشف عليك و نسخة بتفضل معاك

المهم بتنزل تحت للاشعة بتدخل للدكتور بياخد منك الباسبور و يقولك استنى برة بياخد الباسبور و تذكرة الاشعة اللى انت قطعتها و بتستنى برة بعد كدا بيخرج ينادى على اسمك و بتدخل معاة غرفة الاشعة بيقولك اقلع لبسك اللى فوق و لو لابس سلسلة اقلعها بعد كدا بتدخل تدى ظهرك لجهاز الاشعة و تسند على جهاز فى الحيطة و الدكتور بيقولك خد نفس و امسكة بعد كدا يقولك البس تانى و استنى النتيجة بس بشرط انت واقف على الجهاز متحاولش تتهز ولا تتحرك من مكانك علشان الصورة بتطلع مقطوشة و هيخليك تعيدها مش بفلوس انا عيدتها 4 مرات لحد ما اتظبطت بعد كدا بتلبس هدومك و تطلع برة و الدكتور بيخرج يديلك الباسبور و يقولك اطلع فوق علشان تكشف

بتطلع فوق للممرضة بتقولك انزل تحت تانى فى الصيدلية بتاعة المستشفى اقطع تذكرة تتطعيم ضد الباكتريا و البلاهارسيا و غيرة بتنزل تقطع التذكرة تكلفتها 61 جنية و بتاخدها و بتطلعلها بتاخد منك التذكرة و بتستنى دورك فى الكشف بعد كدا بتدخل للدكتورة بتقولك انت عملت اى عمليات قبل كدا زى عمليات اللوز الزايدة اتحجزت فى مستشفى قبل كدا قلتلها لاء بتشرب سجاير كنت بتشرب سجاير بتلبس نظارة كنت بتلبس نظارة فى اى كسور فى دراع او رجلك مركب مسامير او شاريح كنت مركب مساكير او شاريح و شلتها

كان فى اى كسور فى رجلك او دراعك انا قلتها لاء على كل حاجة ما عدا عملية اللوز بس علشان انا عملتها و انا صغير

بعد كدا قالتى اطلع على الشازلونج السرير يعنى فطلعت قالتلى ارفع هدومك لحد صدرك فرفعت كشفت عليا بالسماعة على صدرى و قالتلى خد نفس و كدا و بعد كدا قعدت تخبط بسن اديها على جابنى من الناحيتين و بعدين قالتلى قوم اقعد و اكشف ظهرك علشان عاوزة اشوفة كشفتة قعدت تبص علية بتشوف اى اى جروح فى الظهر ولا لاء بعد كدا قالتلى قوم اقف و ارفع البنطلون لحد الركبة بعد كدا قالتى البس و ظبط نفسك

الدكتورة قعدت تكتب شوية حاجات كدا فى الورق اللى قدمها و قالتى شكرا

خرجت برة للمرضة اخدتنى فى غرفة تانية فى اخر الطرقة علشان تعملى تطعيم و طعمتنى بحقنتين حقنة فى كتفى اليمين و حقنة فى الشمال و بعد كدا قالتلى هتروح تعمل تحاليل الزهرى وتيجى كمان 10 ايام تستلم نتيجة التحليل بصورة الباسبور

و المعمل بتاع التحليل اسمة معمل الدكتورة شهيرة جمعى

فى 14 شارع شهاب المهندسين

خرجت برة المستشفى ركبت تاكس وصلنى قدام المعمل فى حوالى 10 دقايق من المستشفى و اخد 8 جنية طلعت المعمل قلت للسكرتيرة عاوز اعمل التحليل للسفارة الامريكية تبع مستشفى الشروق قالتى هات الباسبور و صورة شخصية ليك و 65 جنية بعد كدا استنيت فى الاستراحة و شوية و ندهتلى اخدت منى رقم الموبايل سجلتة على الكمبيوتر و ادتنى رقم علشان ادخل اعمل بية التحليل و الباسبور معايا و دخلت الاستراحة تانى بعد كدا الممرضة اللى بتعمل التحاليل نادهت عليا و اخدت منى الباسبور و الرقم اللى السكرتيرة ادتهولى و سجلتة عندها و قالتلى شمر دراعك و جابت حزام صغير رابطتة على دراعى علشان يظهرلها الوريد فدخلت الحقنة فى الوريد و اخدت 3 سم دم و بعد كدا حاطتلى لازقة طبية مكان الحقنة و التحليل ده علشان الزهرى فقط انا سألتها علشان الايدز او فيرس سى او اى حاجة من دى قالتلى لأ ده علشان مرض الزهرى بس بعد كده مشيت روحت البيت و هروح المستشفى كمان 10 ايام علشان استلم نتيجة اكشف الطبى بس قالولى قبل ما تيجى اتصل قبيلها باسبوع علشان نقولك تعالى او لاء

و ربنا يسهل يا شباب ادعولى و ربنا معانا جميعا

معلش انا شرحتلك كل حاجة بالتفصيل الممل بس دا علشان فى ناس كتير هتدوخ على بال ما توصل المستشفى و كدا هيدوخو جوة المستشفى و فى ناس بتكون قلقانة من حاجة فى الكشف

و الاشعة بتاعة الصدر دى علشان الدرن ( السل )

و أعملو حسابكم فى فلوس زيادةعلشان محدش يضمن

8- الفيش الجنائى

الفيش الجنائي او صحيفة الحالة الجنائية

• هتجيبه من اقرب مركز او قسم شرطه او مديرية امن انت تابع ليها وبيطلع بصورة البطاقة و تقولهم عاوزه موجه للسفارة الأمريكية
• وبعد الاستخراج تسألهم فين قسم الأدله الجنائيه تروح تصدقها من هناك وتعتمدها
• او من وزاره العدل محطه سعد زغلول الترجمه الدور ١٣ و الخزنه الدور ال ١٤ و اسئل علي التصديق من نفس الدور و الاستلام خلال 30 دقيقة
• ترجمة الفيش ( يتم ترجمته من محكمة لاظغولى العنوان شارع لاظوغلى , وسط البلد , القاهرة, مصر وتكلفته 10 جنيه

9- الجواب الثاني (The 2NL (2nd notification letter

يتم إصدار نشرات الـ Visa Bulletin في النصف الاول من كل شهر ( غالبا تكون خلال يوم 8 الي يوم 15 ) و يتم ارسال الجواب الثاني 2NL في النصف الثاني من كل شهر بعد اسبوع او اسبوعين من النشرة

و يمكن متابعة نشرات الـ Visa Bulletin من هنا :

https://travel.state.gov/content/travel/en/legal/visa-law0/visa-bulletin.html

يقوم مكتب كنتاكي بإرسال بريد الكتروني محتواه انه يجب عليك الذهاب الي موقع فحص الحالة

و يكون المرسل : noreply@state.gov

و حيث ان الايميل ما هو إلا مجرد إشعار و لا يوجد به اي معلومات فبالتالي هو ليس بذلك الاهمية و يمكنك الذهاب مباشرة الي موقع فحص الحالة عندما تعرف انه سيتم ارسال الخطاب الثاني اليك في هذا الشهر عن طريق متابعة نشرة الـ Visa Bulletin

https://www.dvlottery.state.gov/ESC

بمجرد تسجيل الدخول إلى هذا الموقع سترى رسالة مع تفاصيل موعد المقابلة و هكذا يبدوا الخطاب الثاني

ويحتوى على الاتى :

( الاسم بكامل * العنوان الخاص بك * عنوان السفارة الامريكية * ميعاد المقابلة فى السفارة الامريكية * أسم الزوجة والابناء الاقل من 21 سنة )

10- ورقة اراميكس

وده بتعمله وبتطبعة قبل المقابلة بيوم مثلا و وده فايدته انه بيجى عليه الباسبورات اللى فيها الفيزا عن طريق شركة ARAMEX بعد الموافقه عليك من القنصل إن شاء الله و بعد طباعة التأشيرة الخاصة بالفائز وبيكون معاه ظرف أصفر لا يفتح إلا عند وصولك مطار أمريكا ويستلمه منك المسئول فى الشباك

و هي من المستندات المهمة جداً ، و مش هتقدر تدخل السفارة علشان تعمل المقابلة من غيرها

و دي أول حاجة بيطلبها موظف الأمن عند بوابة السفارة الأمريكية من الشخص الفائز بالهجرة .

• مش هيفرق ألوان ولا أبيض واسود
• و الصور دي شرح بالتفصيل ازاي تعمل حساب اراميكس عن طريق الموقع ده

http://www.ustraveldocs.com/eg/

11- صورتين شخصية مقاس 5×5 خلفية بيضاء لكل فرد من العائلة

في اي استوديو تصوير و تكون مش متعدلة بالفوتوشوب و خلفيتها بيضاء و مقاس 5 في 5

12- جواز السفر

• صور شخصية تكون ذات خلفية بيضاء
• قسيمة الجواز – حال وجودها – (الصورة والاطلاع على الأصل)
• صورة البطاقة والاطلاع على الأصل
• فى حالة الأنثى يتطلب صورة بطاقتها وصورة بطاقة الزوج
• المؤهل الدراسى الصورة والاطلاع على الأصل
• الموقف من التجنيد الصورة والاطلاع على الأصل
• تكلفة خدمة استخرج جواز السفر 135 جنيها
• يتقدم غير الحاملين لأى مؤهل تعليمى بتوريد مبلغ يتراوح فى حدود 500 جنيه كضمان مالى من البنك

13- شهادة التحركات

• فى حالة سافرت أنت وزوجتك وأسرتك أو لوحدك أكثر من 6 شهور خارج بلدك

بتطلعها من مجمع التحرير فى القاهره بالباسبورت وبتاخد حوالي 5 ايام

• المستندات المطلوبة لاستخراج شهادة التحركات :

1- طلب من صاحب الشأن مرفقا به صورة طبق الأصل من جواز السفر أو بطاقة إثبات شخصية

2- تصريح من المحكمة إذا كانت الشهادة سوف تقدم إلى المحكمة

3- تصريح من النيابة العامة إذا كانت سوف تقدم للنيابة العامة .

4- توكيل رسمي أو توكيل قانوني في حالة عدم وجود صاحب الشأن .

الرسوم المطلوبة :

• الرسوم والمبالغ ( 40 قرش رسم طابع شرطة )
• (خمس جنيهات رسم طابع تنمية موارد ) إذا كان المطلوب عنه الشهادة أجنبيا .
• مبلغ (150 قرش ) اجمالى رسوم نسخ الشهادة .
• مبلغ (50 قرش ) عن كل سنة تطلب عنها التحركات .
• مبلغ (50 قرش ) تحل لسنة زائدة تضاف على المبلغ الكلى .

“إجراءات تأدية الخدمة

•  يتم إصدار شهادات التحركات إلى من يطلبها من أصحاب الشأن بالبيانات المتاحة بمصادر مصلحة الجوازات المختلفة للمواطنين والأجانب لتقديمها للجهات الرسمية بعد التقدم بطلبات لمصلحة الجوازات أو احد فروعها

 يشترط أن يقدم الطلب من صاحب الشأن او وكيله الرسمي أو الممثل القانوني موضحا به كافة بيانات الشخص المطلوب عنه الشهادة كالاسم كاملا والجنسية وتاريخ ومحل الميلاد

 يتم تسليم الشهادة في اليوم التالي لتقديم الطلب إذا كانت موجهة للجهات الحكومية

أما إذا كانت موجهة إلى إحدى السفارات الأجنبية فيتم تسليمها خلال خمسة عشر يوما من تاريخ تقديم الطلب

إذا كانت الشهادة سوف تقدم إلى إحدى المحاكم المختلفة بأنواعها فيتعين تقديم تصريح من تلك المحكمة بالفترة المطلوبة إلى إدارة الشئون القانونية بمصلحة الجوازات لفحصه وإعداد الرد

إذا كانت الشهادة ستقدم للنيابة العامة فيتعين تقديم تصريح منها ثم تقدم الأوراق لفحصها بمعرفة إدارة المراقبة بمصلحة الجوازات وإعداد الرد”

• وانت بتجيبها تقولهم انا عايز اعتمدها واصدق عليها عشان اوثقها من الخارجيه وهما هيعملوهالك

14- رخصة قيادة

أولا: قبل التوجه للإدارة المرور عليك أولا اتباع الإجراءات الآتية:

• تجهيز صورتين شخصيتين حديثتين
• توجه بالصور والبطاقة إلى أى مستشفى أو مستوصف طبى واستخرج شهادة فحص باطنة وشهادة فحص عيون.

الإجراء الثانى:

• توجه بالشهادات الطبية بعد ذلك إلى الإدارة العامة للمرور التابع لها.
• احضر معك صورتين شخصيتين إضافيتين.
• قدم صورة البطاقة وأصل البطاقة الشخصية أو العائلية أو جواز السفر بما يثبت محل إقامتك لنفس دائرة المرور بحيث لا يقل السن عن 18 سنة .
• إذا لم تكن بطاقتك مدونًا بها المهنة أو “حاصل على كذا” أو مايفيد التعليم عليك التقدم بأصل المؤهل وبيان نجاح، وللأمى التقدم بشهادة محو الأمية الصادرة من الهيئة العامة لمحو الأمية وتعليم الكبار.
• لا تلتفت لأى نداءات من الباعة قبل أو بعد دخولك الإدارة، ومحاولة إلزامك بأوراق بحجة أنك سوف تحتاج إليها وستعود لشرائها مرة أخرى وهى فى الواقع ليس لها علاقة بالرخصة.

الإجراء الثالث

• شراء ورقة اختبار إشارات كمبيوتر بـ5 جنيهات، كما هو موضح بالنموذج (1)

• شراء وكتابة نموذج 256 مرور، كما هو موضح بالنموذج (2)

بعد تسليم كافة المستندات السابقة مرفق معها النماذج

يتم توجيهم لاختبارات القيادة، وإذا تمت بنجاح، واعتمدت من لجنة الاختبار، يتم توجيهك إلى اختبارات الإشارات على حسب طبيعة كل إدارة مرور، فهناك إدارات تجرى اختبارات شفوية فقط، وأخرى تلزمك بالإجابة على أسئلة تتعلق بقواعد وآداب المرور من خلال الكمبيوتر أشبه باختبارات Icdl.

• إذا لم تتجاوز اختبار القيادة يتم تحديد موعد آخر لإجراء الاختبارات وهو شهر أو ثلاث شهور.
• إذا تم تجاوز الاختبارات تقوم بتسديد الرسوم المقررة ثم التوجه إلى غرفة التصوير وتسجيل البيانات بعد ذلك يتم تسليمك الرخصة فى حدود 15 أو 30 دقيقة .

رخصة دولية

1- أصل الرخصة المصرية + صورة من هذه الرخصة.

2- جواز السفر وأن يكون صالح للاستخدام وغير منتهي الصلاحية.

3- عدد (2) صورة شخصية مقاس 4 × 6 .

4- موافقة الإدارة العامة للمرور على صحة بيانات الرخصة المصرية وتصدر من إدارة البحث الجنائي الموجودة بمقر نادي السيارات ويتم إصدارها للشخص بنفسه فقط.

5- أن يتم سداد الرسوم وقدرها 260 جنيه شاملة قيمة شهادة البيانات.

6- يقدم طلب استخرج الرخصة والقيام بملء الاستمارات وتسليم المستندات للشخص صاحب الرخصة وبنفسه فقط.

7- بعد أن يتم الانتهاء من هذه الإجراءات يتم إصدار الرخصة من نادي السيارات والرحلات المصري.

الرخصة الدولية غالبا تعطيك من ثلاثة إلى ستة شهور تسوق بها عادي دون الرخصة الامريكة و لكن تختلف حسب قانون كل ولاية و يمكن ايضاً ان تغنيك عن الاختبار العملي.