إستمارة DS260

إستمارة DS260

المهمة الرئيسية بعد فوزك باللوتري هي انك تملي استمارة الفوز DS260

الموضوع مش صعب خالص بس من كتر الاسئلة ممكن تحس ان الموضوع صعب لكن اهم شيء التركيز و انت بتملي الاستمارة و تخلي بالك من التواريخ و الاسماء و نصيحة حاول تجمع المعلومات كلها في ملف word  قبل ما تفتح الاستمارة و متقلقش خالص طالما معملتش submit يبقي تقدر تدخل تضيف بيانات و تعمل save و ترجع تكمل الاستمارة في وقت تاني و كمان تقدر تعدل علي البيانات اللي دخلتها قبل كده و حاول تراجع كتير علي قد ما تقدر لانه هيغنيك انك تفتح الاستمارة و يوفر عليك تأخير في المقابللة انت في غني عنه.

انت هتحتاج معلومات و شوية ورق كده علشان هتحتاجهم و انت بتملي الاستمارة

معلومات الباسبور ليك و لكل افراد اسرتك ( اذا كنت متزوج )

شهادات الميلاد ليك و لكل افراد اسرتك

شهاداتك التعليلمية ( الثانوية / الكلية / الدكتوراه / الخ.. )

جميع عنوانيك الحالية و السابقة

عنوان شخص في امريكا

جمعت بياناتك و مستعد تملي الاستمارة ؟

يالا بينا نبدأ ملي الاستمارة ع البركة

الدخول للأستمارة للمره الاولي

هنخش ع الموقع ده

https://ceac.state.gov/ceac/

و نختار

DS-260, Online Immigrant Visa and Alien Registration Application

و هنا هنحتاج الـ case number و اللي جالك في خطاب الفوز و بيكون بالشكل ده

 2018AS00001234

و ده معناه كالأتي

2018 يعني سنة القرعة

AS  يعني قارة اسيا

و ممكن يكون AF يعني قارة افريقيا حسب كل واحد من اي قارة

اما باقي الرقم فبيكون الرقم المتسلسل بتاع الحاللة بتاعتك

** نصيحة متكتبش رقم بالكامل في صفحة او منتدي لو انت عاوز تسأل علي حاجة متعلقلة بيمعاد المقابلة لكن ممكن تقول انك مثلا رقمك 1000 لو انت مثلا رقمك 1234 علشان تحمي خصوصيتك

في الاستمارة هيمر عليك عدد كبير من الاسئلة في كذا قسم و اللي لازم تدخل بياناتك بشكل سليم و افتكر ان مفيش حد بيجري وراك فـا املاها براحتك و اتأكد من كل حرف انت بتكتبه و يارت تطبع كل صفحه علشان تعرف انت كتبت ايه لو احتجت حاجة بعد كده او حتي لو احتاجتها في مقابلة السفارة

و للتوضيح اكتر دي screenshots لشكل الصفحات اللي هتلاقيها في الاستمارة و بعض التوضيحات علي اسئلة منها

** ملحوظة الصور دي للتوضيح و مش شرط تختار نفس الاختيار اللي في الصور، يعني لازم كل اختيار تختارة يكون بينطبق عليك و علي ظروف كل واحد.

1. Summary

و كمان تقدر تضيف طلبات من الصفحة دي لو انت اتجوزت بعد ما قدمت طلب الهجرة او كنت متجوز و جالك اولاد

** خلي بالك بمجرد انك تضيف طلب لأي شخص مش هتقدر تحذفه او تغير اسمه فـا لازم نخلي بالنا من كتابة الاسم صح

** لو عندك ابن او ابنه و مضيفتهمش في الاستمارة بنسبة كبير حضرتك هتترفض في المقابلة لان ده يعتبر اخفاء معلومات و خطأ كبير جداً

** لو عاوز تضيف طفل اتولد او زوجة و كنت قفلت الاستمارة و مستني ميعاد المقابلة فـا انت هتحتاج تفتح الاستمارة من جديد و تضيف اللي عاوز تضيفه

هتختار الكلمة اللي تحت “IV application”

لو اول مره هتلاقيها  NOT STARTED

لو كنت دخلت عليها قبل كده و دخلت بيانات لكن مكملتش الاستمارة كلها هتلاقيها NOT COMPLETED

اما لو كنت مليت كل البيانات هلاقيه  COMPLETED

مكان المقابلة :

2. Personal Information 1

دي الصفحة اللي هتكتب فيها معلومات عنك ذي اسمك بالانجليزي و العربي و تاريخ ميلادك و مكان الميلاد

و ذي ما مكتوب في الباسبور اكتب بياناتك في الاستمارة لان كل حاجة بتعتمد ع اللي في الباسبور

CITY: المدينة

State/Province: المحافطة

Country: الدولة

** نصيحة اعمل باسبور جديد قبل ما تملي الاستمارة علشان يبقي معاك سنين كتير فيه لما تروح امريكا و متحتاجش تجدده بسرعه و هو كده كدده مبياخدش اكتر من اسبوع علشان تطلع واحد جديد.

اتأكد من المعلومات اللي موجوده في شهادة الميلاد مطابقة للي في الباسبور

** ملحوظة : ممكن تكون دولة الميلاد غير دولة الجنسية بتاعتك ( هتقابلها في صفحات جايه ) خلي بالك ان بلد الميلاد هي اللي علي اساسها بيتصنف اللوتري يعني الاعتماد بيبقي علي بلد الميلاد مش الجنسية

ولكن بلد ميلادك هو ما كان ينبغي أن يدفع بدخولك إلى اليانصيب (تعتمد الأهلية على بلد ميلادك وليس جنسيتك)

3. Personal information 2

الصفحة دي عن وثيقة السفر او الباسبور، حط الباسبور قدامك و انت بتملي الصفحة دي و اوعي تغلط في حاجة الله يباركلك

4. Present and previous address information

في الصفحة دي هتملي البيانات بتاعت عنوانك الحالي و عناوينك السابقة كلها بداية من بعد ما كملت 16 سنة لو كنت في اجازة في مكان تاني لمدة شهر او اتنين فـا انت مش محتاج تذكره لكن لو عشت في مكان لمده اكتر من ست شهور لازم تكتبه

اكتب التواريخ بشكل عكسي يعني الاحدث فـا الاقدم و حاول تكون دقيق بشكل كبير في التواريخ

5. Mailing and Permanent Address Information

في الصفحة دي انت بتكتب العنوان اللي من المتوقع انك هتعيش فيه في امريكا او عنوان شخص امين تقدر تثق فيه انه يستلم الجرين كارد و يستحسن يكون قريبك او صاحبك.

** تقدر تغير العنوان ده في المقابلة و في المطار في امريكا

6. Family information: Parents

بتضيف هنا الاب و الام و عناوينهم و تاريخ ميلادهم و ياريت لو فيه باسبور ليهم تنقل اساميهم منه يكون افضل

7. Family information: Spouse and Previous Spouse

هنا كل واحد ببيختار حسبب الحالة الاجتماعية بتاعتة يعني لو اعزب هتختار ان مفيش زوجه و تخش علي الصفحة اللي بعديها

للكن لو متزوج هتقول انك متزوج من مين و تكتب بيباناتها

كمان هتكتب لو في زوجة سابقة و دي في حالة الطلاق او ان الزوجة اتوفت و دي هتحتاج ان يكون معاك في المقابلة وثيقة الطلاق او شهادة الوفاة حسب الحالة

** من بين أسباب رفض فيزا القرعة الأمريكية عدم تسجيل بيانات الزوج أو الزوجة أو الأولاد وقت التسجيل في اللوتري، و بالمقابل يتم إضافتهم أثناء تعبئة الفورم DS-260 يجب على المترشح (ة) إدراج بيانات الزوج أو الزوجة حتى لو كان هناك تخطيط للطلاق قبل التقدم بطلب للحصول على التأشيرة

يجب أن تتضمن الطلبات اسم، تاريخ ومكان ميلاد الزوج أو الزوجة وجميع الأطفال الشرعيين، وكذلك جميع الأطفال المتبنين قانونيا وأولاد المترشح (ة) غير المتزوجين والذين تقل أعمارهم عن 21 سنة إبان المشاركة. وهذا بالرغم من كون المترشح لم يعد متزوجا قانونيا من أم أو أب الطفل، و حتى إذا كانت الزوجة أو الزوج أو الطفل لا يقيمون حاليا مع المترشح (ة) و/أو لن يقوموا بالهجرة معه.

في حالة كنت أعزب :

اما اذا كنت متزوج :

في حالة وجود زواج سابق :

8. Family information: Children

هنا هتدخل كل المعلومات عن اطفالك و يكون شهادات ميلادهم و الباسبور قدامك و انت بتملي البيانات دي

لو ابنك سنه اكتر من 21 سنه مش هتقدر تاخده معاك

** في بعض الحالات اللي ممكن تاخد ابنك اللي قرب ع الـ 21 لمزيد من التفاصيل اقرأ المقالة دي لكنها تبقي مسألة حسابيه

http://britsimonsays.com/child-turn-21-can-heshe-get-visa/

لو متوقع ان هيجيلك طفل في خلال فترة التجهيز للهجرة يبقي لازم تضيفه برضو بعد ما يتولد علشان ياخد الجرين كارد

حاجة مهمه لازم تاخد بالك منها و هي انك لازم تذكر كل اولادك لالنك لو عملت حاجة غلط او اخفيت بيانات ممكن تسسبب مشاكل لنفسك

في حالة عدم وجود اطفال :

في حالة وجود اطفال :

9. Previous U.S. Travel

اذا كنت سافرت من قبل الي الولايات المتحدة الامريكية او لديك اي نوع من التأشيرات من خلالها تستطيع دخول امريكا او حتي تقدمت من قبل للحصول علي تأشيرة الي امريكا و تم رفضك

• اما اذا كانت هذه الحالات لا تنطبق عليك فعليك الإجابة بـ لا

10. Present work/education/training information

هتدخل بيانات الوظيفة او التعليم و كل واحد حسب حالته اذا كان بيدرس او شغال او مش شغال.

من شروط الهجرة الاساسية هي التعليم او الخبرة في العمل لذلك الجزء ده مهم جداً

و الشروط المطلوبة هي :

1- انك تكون معاك ثانوية او ما يعادلها او اتمام 12 سنه دراسه بنجاح من الابتدائية لحد الثانوية.

2- سنتين من الخبرة في خلال الخمس سنين اللي فاتو في مجال يحتاج الي خبرة سنتين علي الاقل و قسم العمل في الولايات المتحدة هو اللي هيحدد اذا كانت عندك الخبرة في العمل ده ولا لا.

** حالات قليلة يتم قبولها بسبب خبرتها في العمل الافضل انك تقدم بالثانوية

11. Previous work/education/training information

الجزء ده بيعتمد علي اللي قبله يعني اشتغلت فين قبل الشغلانة الحالة اللي كتبتها في الصفحة اللي فاتت. فـا ممكن يكون شغلل مختلف او كنت بتدرس و اتأكد من العناوين و المعلومات بتاعة الشغل.

و هتضيف في الصفحة دي اعلي تعليم وصلتله و عدد المؤسسات التعليميه اللى درست فيها من ثانوي وطالع اكتب 2 جوه المربع حيطلعلك خانتين تحته واحد لبيانات الثانوية والتاني البكالوريوس هتضيف الثانوية الاول ثم الكلية

Have you attended any educational institutions at a secondary level or above?

YES

Highest Level of Education Completed UNIVERSITY DEGREE

Number of Educational Institutions Attended: 2

وبعد كده تكتب بيانات المرحله الثانويه وتختار كلمة

Course of Study: ACADEMIC

وبعدين بيانات المرحله الجامعيه وبرضه تختار

Course of Study: ACADEMIC

12. Additional work/education/training information

جاوب علي الاسئلة بصراحة و وضوح. لو اخترت نعم في اختيار من الاختيارات سوف يتم فتح صندوق لكتابة مزيد من التفاصيل كمان في تعليمات مساعدة في الجنب عن المعلومات اللي هما طالبينها بالظبط

13. Security and Background: Medical and Health information

سؤال التطعيمات و ده سبب قلق لناس كتير جداً

لكن بجد مش مهم سواء ان اختارت yes او no يعني الاجابتين صح

الاجابة الصحيحة عند 99% من الناس انهم بيجاوبوا no لانهم مش بيبقي معاهم التطعيمات دي في الوقت اللي بيملي فيه الاستمارة. لكن زي ما قولت ان اجابتك كده كده صح لالن هيبقي معاك الاوراق دي في الالكشف الطبي و اللي من غيره مش هتقدر تخش المقابلة اصلا

14. Security and Background: Criminal

جاوب علي الاسئلة بصدق و متحاولش تكدب و متقلقش لان معظم الجرائم لن تؤثر علي استبعادك و دا غير انه هيبقي عندك فرصة الشرح في المقابلة. وتسمى الجرائم اللي ممكن انها تسبب عدم الأهلية بـ جرائم الشرف الأخلاقي و هو مصطلح مطاط و غامض و تذكر دائما ان اي نوع من اخفاءء للبيانات هي جريمة غش فلابد انك تقول الحقييقة دايما

15. Security and Background: Security 1

جاوب علي الاسئلة بصدق

16. Security and Background: Security 2

جاوب علي الاسئلة بصدق

17. Security and Background: Immigration law violations

انتهاكات قانون الهجرة مفيهاش هزار يعني خلي بالك من اختياراتك

18. Security and Background: Miscellaneous 1

جاوب علي الاسئلة بصدق و بدون تسرع

19. Security and Background: Miscellaneous 2

– الرعاية الصحية المهنية هو سؤال لا يهم كيفية الإجابة عليه. لو كنت عامل في الرعاية الصحية متخافش انك تعترف بكده.

• سؤال المساعدات المالية العامة او الحكومية الافضل انك تجاوبة بـ no و افتكر ان امريكا ارض الفرص و انك مش رايح هناك علشان تشحت او تعيش ع المعونات انت رايح تحقق حلمك

20. Social security number

جاوب علي الاسئلة دي بشكل سليم

هل قدمت من قبل للحصول عللي رقم الضمان الاجتماعي ؟

هل تريد ان تقوم ادارة الضضمان الاجتماعي بإصدار رقم و بطاقة ضمان لك ؟

هل تسمح لعدة اطراف من مؤسسات الدولة باستخدام بياناتك الموجودة في هذه الاستمارة لإصدار رقم و بطاقة الضمان الاجتماعي لك ؟

كتير من الناس ممكن تواجه تأخر في الـ SSN و لانه يعتبر اهم حاجة فـا الاحسن انك تروح لمكتب الـ SSA بعد اسبوعين للتاكد ان الـ SSN في السيستم عندهم.

** انت المفروض تستلم كارت الـ SSN نفسه في خلال اسبوعين لـ ثلاث اسابيع من بعد دخولك للولايات الامتحدة الامريكية.

Submitting the form تقديم الاستمارة

دلوقتي انت جاوبت علي كل الاسئلة و كله تمام التمام

لو في استمارات تانية لباقي افراد اسرتك يا ريت تخلصها الاول و بعد كده ابقي اعمل submit ليهم كلهم مرة واحدة. و نراجع مليون مره قبل ما نقفل الاستمارة يعني مش هتخسر حاجة لو راجعت لا دا انت تراجع و تجيب ناس تراجع كمان

** اوعي تنسي طباعة لصفحة التأكيد، دي اهم حاجة في كل اللي عملناه **

يا ريت تطبع كل صفحات الاستمارة و تخليها معاك احتياطي يمكن تحتاج تراجعها

** لو انت اقل من 26 سنه هيقولك حمل استمارة الخدمة في الجيش قبل ما تعمل submit

استمارة الـ ds260 هتتقفل بحيث انك مش هتعرف تعدل عليها لكن انت ممكن تراجعها زي ما انت عاوز في اي وقت.

لو انت اكتشفت خطأ او عاوز تضيف حاجة في الاستمارة قبل ميعاد المقابلة لازم تبعت ايميل لمكتبKCC و اللي بيرد عليلك في خلال ايام و بيتم فتحها و تقدر تعدل عليها من جديد

لما توصل استمارتك لمكتب كنتاكي KCC هيتم البدء في معالجتها و هيتعمل فحوصات و تحريات اساسية بناء علي المعلومات اللي انت قدمتها و قد يستغرق وقت المعالجة فترة من خلال 4 لـ 5 شهور.

** لو رقمك صغير و فتحت الاستمارة بتاعتك بعد ما قفلتها دا ممكن يأثر علي ميعاد مقابلتك لكن متقلقش هيتم اجراء مقابلة في وقت لاحق لانه بيتم اجراء المقابلات علي حسب ترتيب رقم القضية في مجموعة القضايا التي تمت معالجتها.

مقابلة السفارة الامريكية (خاص بالهجرة)

مقابلة السفارة الامريكية (خاص بالهجرة)

ما قبل المقابلة :

غالبا ما یتملك الفائزین شعور متزاید بالقلق تجاه نوعیة الأسئلة التي ستطرح علیهم أثناء مقابلة فیزا القرعة الأمریكیة هذه. و دائما ما یتصور المرء أسوأ السیناریوهات، لكن في الواقع ما هي إلا مقابلة بسیطة وشكلیة تعتبر تتویجا للرحلة الطویلة التي یقطعها كل فائز بالقرعة الأمریكیة. یجب على المرء أن یكون صریحا وصادقا و یحاول قدر الإمكان أن یكون إیجابیا طوال هذا اللقاء. بالتأكید خلال مقابلة فیزا القرعة الأمریكیة ، لن یطرح علیك موظف القنصلیة أسئلة صعبة أو یتعامل معك كسجین، و تأكدوا أن موظف القنصلیة لن یحاول أن یتلاعب بكم أو یفاجئكم، فهو ببساطة یقوم بعمله! و إذا لزم الأمر، يمكنه أیضا أن یطلب توضیحا إضافیا لإحدى الوثائق. إذا كنت قد تزوجت مؤخرا، فتوقع بعض الأسئلة حول زواجك الجدید. قد تبدو هذه الأسئلة شخصیة زیادة عن اللزوم أو حتى ربما تخدش الحیاء بالنسبة لبعض الثقافات (مكان التعارف، سفر قام به الزوجان) فقلیل من الاسترخاء و ستمر المقابلة بسلام.

يجب عليك الحضور مبكراً قبل موعدك المحدد في الخطاب الثاني بما يزيد عن ساعة ، لأن الأعداد التي

تتواجد يومياً أمام السفارة في ازدياد دائم ، حيث يتم الاصطفاف امام بوابة السفارة ابتداء من الساعة

السابعة صباحا، ويكون هناك صفين أمام السفارة أحدهما خاص بالمهاجرين والثاني خاص بأصحاب التأشيرات الأخرى غير الهجرة .

بعد الاصطفاف تتم عملية الدخول إلى السفارة ولكن بعد التأكد من وجود استمارة  ARAMEX التي تم

شرحها سابقا والكشف عن الصور الشخصية وصورة الخطاب الثاني من قبل أفراد أمن السفارة ، ثم التفتيش قبل الدخول ، ويمنع الدخول بأي إلا الموبايل فقط .

ثم عند الدخول هناك بابان يوجد بينهما شباك الاستعلامات ، الدخول سيكون من الباب الايسر ثم الذهاب يمينا ثم النزول للوصول الى مكتب الأمن لتسليم الموبايل وأخذ رقماً لاستلام الموبايل عند الخروج.

ثم المرور على مرحلة أخرى للتفتيش ،

ثم الدخول إلى ركن الاستقبال لاستلام رقم ، ثم التوجه إلى صالة الانتظار ، حتي يتم النداء على الرقم الخاص بك ، وفور سماع النداء الأول يجب عليك التوجه إلي الشباك لتسليم المستندات وأخذ البصمات و بعد أخذ بصمات الأصابع للمقدم الرئیسي وكذا جمیع أفراد عائلته، سوف یطلب من الجمیع تأدیة القسم، برفع الید الیمنى، على صحة كل المعلومات الواردة في استمارة DS260 وكذا المعلومات التي ستدلي بها أثناء المقابلة.

“الأوراق المطلوبه منك عند دخول السفاره وتسليم الورق في الشباك ”

1- اصل شهادة الميلاد + صورة + ترجمة شهادة الميلاد

2- اصل شهادة الجيش (الموقف من التجنيد) + صورة + ترجمة شهادة الجيش

3- اصل الفيش والتشبية (صحيفة الحالة الجنائية) + ترجمة الفيش و التشبية

4- تقارير الكشف الطبي – (المظروف المغلق)

5- اصل شهادة المؤهل الدراسي + صورة + ترجمة شهادة المؤهل

6- صورتين شخصية مقاس5×5 خلفية بيضاء حديثه لا يكون فيها أي فوتوشوب

7- جواب المقابلة ( الجواب التانى اللى بتنزله من على النت اللى فيه ميعاد وتاريخ المقابله )

8- صورة ورقة أرامكس

و إذا كنت متزوج او لديك أولاد سوف يتم تقديم مزيد من الأوراق حسب كل حالة .

ثم يطرح عليك سؤال : هل تريد تغيير العنوان في أمريكا الذي قمت بتسجيله في استمارة  Ds260إذا كنت تريد تغييره أجب نعم وقم بإعطاء الموظف العنوان الجديد .

خطوات دفع رسوم الـ Green Card 

خطوات دفع رسوم الـ Green Card

يتم دفعها بعد حصولك على تأشيرة الهجرة وهذه الرسوم بخلاف رسوم المقابلة التي تتدفع في السفارة و هذه الرسوم تتدفع بعد حصولك على تأشيرة الهجرة وبعد استلام الظرف الأصفر ومن خلال الموقع الرسمي.

• تتدفع هذه الرسوم لكل فرد من افراد الاسرة وليس اجمالا بمعنى ان على كل فرد دفع $220 دولاراً أمريكياً.
• يتم الدفع من خلال بطاقة الدفع ” فيزا ” ( أي فيزا بنكية صالحة للاستخدام للإنترنت ).
• سيتمّ التّحقق من أداء المهاجر لهذه الرسوم من طرف مصلحة USCIS ، لذلك لن يتمكن المهاجر من الحصول Permanent Resident Card بأمريكا إلا بعد أدائها، و من الأفضل الدفع قبل السفر لأنه سوف يتم تسليم إيصال الدفع لإدارة الهجرة في المطار عند دخول أمريكا .
• إذا لم تستطع أداء هذه الرسوم في بلدك فيمكنك أداؤها حتى تصل إلى الولايات المتحدة الأمريكية.

قدم بالدخول علي الموقع الرسمي من هـــــــنا

1- اضغط علي Log In

2- اختار USCIS Immigrant Fee, File Online

3- اضغط علي Continue

4- ادخل بياناتك

– قم بإدخال الـ Alien Registration Number) A-Number) بدون حرف الـ A و هذا الرقم سوف تجده علي الملف الاصفر و علي التأشيرة

• رقم الـ A-Number يكون مثل هذا 123456789 و لو ان رقم الـ A-Number اقل من 9 ارقام قم بإضافة اصفار حتي يصبح الرقم مكون من 9 خانات
  • مثال: ادخل الرقم بهذا الشكل 001234567 في حالة كان مثل ذلك 1234567 

• ثم ادخل الـ Department of State (DOS) Case ID و هو رقم الحالة

بعد الانتهاء اضغط Add

5- اذا كان الدفع لعائلة كاملة

قم بإدخال رقم الـ A-Number لكل فرد في العائلة ثم اضغط Add

6- قم بمراجعة معلومات الدفع

• راجع بيانات كل عملية دفع
• ادخل الـ E-Mail الخاص بك لإرسال تأكيد إليك والاتصال بك بشأن دفعتك، إذا لزم الأمر.
• ادخل بياناتك و عنوانك
• بعد الإنتهاء إضغط Proceed to Payment

7- اختيار طريقة الدفع

سوف يتم تحويلك اتوماتيكياً الي Pay.gov ، قم بإختيار طريقة دفع مناسبة لك ثم اضغط Continue

8- أدخل معلومات الدفع

• ( الدفع عن طريق debit card أو credit card )

املىء بياناتك ثم اضغط Continue 

• ( الدفع عن طريق حساب ادخار بنكي )

املىء بياناتك ثم اضغط Continue 

9- مراجعة و متابعة عملية الدفع

• راجع بياناتك و بعد التأكد من صحتها اضغط Submit لتأكيد عملية الدفع
• لا تقم بالضغط على الزّر Submit Payment إلاّ مرّة واحدة، فإذا قمت بالضغط عبه لعدّة مرات، فمن المحتمل أنّك ستقوم بأداء الرسوم بعدد المرّات التي ضغطت عليه.

(عن طريق debit card أو credit card )

( عن طريق حساب ادخار بنكي )

10- إستلام رسالة تأكيد الدفع

بعد اكتمال عملية الدفع، سوف يتم توجيهك إلى صفحة التأكيد Confirmation

 

– قم بطباعة نسخة من هذه الصفحة

– سوف تتلقى تأكيدا للدفععن طريق الـ Email من ELISdonotreply@uscis.dhs.gov يكون موضوعه “Pay.gov Payment Confirmation: Immigrant Visa”و سوف تتضمن الرسالة الإلكترونية رقم الإيصال الخاص بك.

انتهت عملية الدفع و بعد هذه الخطوة يمكنك غلق نافذة المتصفح